خذ قلبي لجروحك ولا يجي قلبك جروح
يسلم قلبك اللي بكل ما فيني فديته
وشلون ما شيل همومك وأنت للروح روح
لو ينشرى فرحك بعمري لجلك شريته
لو ينشغل بالك أحس كل مافيني ينوح
تصغر الدنيا بعيوني وكل فرحي نسيته
أشكي ما بك خل قلبك لقلبي يبوح
ذبحني سطر من الالم بعيونك قريته
عطني أحزانك ببني لها بصدري صروح
خلها من أسى الماضي اللي بحبي طويته
أضحك حبيبي بسمتك لي غايه وطموح
كن نور هالدنيا من صدى ضحكك خذيته
تبسم للأمل خل عطره بجوك يفوح
ترى بعيوني غرامك أمل عمري بديته
أنت بناظري قمه ويبقى غيرك سفوح
لا عدمت نظر عيني دامك بطيفك ضويته
خذ قلبي خذ كل ما فيني ولا تجيك جروح
أنا أدري كثر ما عطيتك حقك ما وفيته
__________________
