اجيه يمين ويجينى شمال

ان جيت حبيبي يمين جاني شمال
وان جيت شمال قام عاندني يمين


وان قمت اسال يجاوب في سؤال
يقطع كلامي وما انهي كلمتين


يضحك ويوصف جوابي باحتيال
ويعيد نفس السؤال ويقول سين


مجموع كله هبال(ن) في هبال
هبال من صبع رجله للجبين


لهل الزعل ما خذينه بالمثال
واهل الرضى وينهم عنه ووين


يذبح ولكن ّ ذبحه بالحلال
ذبح الندى في خدود الياسمين


طفل(ن) حبيبي وهاوي للدلال
طفل(ن) ولا غيرت فيه السنين


فكل يوم(ن) وله الفين حال
وافزع اذا قال حاله بالحزين


اجمل معاني ملكها والخصال
حتى الوفا بين احساسه رهين


بين الخلايق وله هيبة رجال
وكلمته فعل في وعده امين


تحسب عيونه قصيده من خيال
وعشق يبحر على موج الحنين


سواد رمشه من اسرار الجمال
محتار في وصفها شاعر فطين


ان طل وجهه طفى نور الهلال
وامسى قمرنا بشر من ما .. وطين